देवघाट २५ फागुन । नेपाल मगर संघ देवघाट गाउपालिकाको प्रथम अधिवेशन शनिबार देवघाटमा सम्पन्न भएको छ ।
उक्त अधिवेशनले खड्क बहादुर पामीआलेको अध्यक्षतामा नेपाल मगर संघ देवघाट गाउँ समिति गठन गरेको छ ।उपाध्यक्षमा तिलबहादुर गर्जा मगर, सचिवमा मनबहादुर राना मगर, सहसचिवमा विष्णुबहादुर थापा मगर र कोषाध्यक्षमा राममाया आले मगर चयन भएका छन् । यस्तै सदस्यहरुमा पन्च बहादुर आले मगर, डिल बहादुर राना मगर, फुलमाया थापा मगर, देवीसरा राना मगर, कुमारी आले मगर, वोम बहादुर थापा मगर, इन्द्र बहादुर राना मगर, रमेश राना मगर , धन बहादुर मगर र रेख बहादुर मगर, चयन भएका छन यसै गरि जुली सारु मगर वडानं. १अध्यक्ष पदेन ,टेक बहादुर थापा मगर वडानं.२ अध्यक्ष पदेन , मोहन बहादुर थापा मगर वडानं.३अध्यक्ष पदेन ,राम वहादुर थापा मगर वडानं ४अध्यक्ष, पदेन, खेम वहादुर राना मगर वडानं.५अध्यक्ष, पदेन रहेका छन ।
उक्त कार्यक्रमको उद्घाटन गर्दै प्रमुख अतिथि देवघाट गाउँपालिका अध्यक्ष तिलबहादुर थापाले मगर जातीको सस्कार र सस्कृति र सभ्यतालाई बढाउदै अगाडि बढ्ने पर्ने बताए । मगर समुदायमा अझै पनि सामाजिक चेतनाको बिकास हुन नसकेको अध्यक्ष थापाले बताए । मगर समुदाय आर्थिक रुपले पनि अझ सबल हुन नसकेको भन्दै अध्यक्ष थापाले मगर समुदायको आर्थिक पक्ष सुधार गर्नलाइ मगर समुदायका सस्कार र सस्कृतिको व्यपार गर्नु पर्ने बताए । गाउँपालिकाले मगर र गुरुङ भाषाको प्रशिक्षणको लागि चालु आर्थिवर्षमा ३ लाख रुपैयाँ विनियोजन गरेको अध्यक्ष थापाले बताए ।
पनि एकजुट हुन पर्ने गुरुङले बताए । वडा नम्बर ३ का अध्यक्ष टेक वहादुर आलेले मगर समाज उत्थान भएको ४३ वर्ष भईसक्दा पनि देवघाट गाउँपालिकाको प्रथम अधिवेशन भएको भन्दै मगर जातिहरुमा ढिलासुस्ती भएको बताए । मगर जातिहरु संख्याको हिसावले धेरै भएता पनि मगर जातिहरु आफ्नो हक र अधिकारको विषयमा बोल्न नसके त्यसको कुनै अर्थ नरहेको आलेले बताए ।
वडा नम्बर ४ का वडा अध्यक्ष मित्रलाल गुरुङले १४२ जनजातिहरु आफ्नो भेष भुषाहरु समय अनुसार लोप हुँदै गएको भन्दै जातीय भेष भुषा र सस्कृतिलाई जोगाउन र आउने पिढिहरुलाइ ती सस्कारहरु सिकाउन पर्ने गुरुङले बताए । गण्डकी प्रदेशमा गुरुङ र मगर जातजातिहरुको संख्या बाहुल्यता भए पनि गुरुङ र मगर जातिले यीक्षेत्रमा भनेको जस्तो प्रभाव पार्न नसकेको गुरुङले बताए ।
नेपाल मगर संघ तनहुँका जिल्ला अध्यक्ष खड्क सिं थापा मगरले सामाजिक, आर्थिक, शैक्षिक र राजनीतिक विषयमा मगर जातिलाई जोड्नुपर्ने बताए । मगर समुदायको छोरा छोरीहरुलाई स्थानिय सरकारले प्राथमिकता दिन पर्ने भन्दै उनले मगर संगठन बनाइरहदा राजनिति विचमा ल्याउन नहुने थापाले बताए । देवघाट गाउँपालिका खेलकुद समितिका अध्यक्ष अमर फवालीले मगर जातीहरु एक भएर अगाडि बढ्न पर्ने बताए । अधिवेशनमा पार्टी नभनीकन निश्वार्थ रुपले मगर संगठन मजबुत गराउन समिति बन्नुपर्ने फेवालीले बताए ।
