बुलिङटार २ चैत । बुलिङटार गाउँपालिका–१ मा सञ्चालित पुदी थामबेसी खानेपानी (कोटथर खानेपानी) योजना अन्तर्गत आज व्यापक जनसहभागिताका साथपाइप बिछ्याउने कार्य सम्पन्न भएको छ ।
स्वच्छ र सुरक्षित खानेपानीको सुनिश्चितता गर्न गाउँपालिकाले यस योजनाका लागि रु. १ करोड बजेट विनियोजन गरेको छ । स्थानीय समुदायको लामोप्रतीक्षालाई अन्त्य गर्दै दिगो रूपमा खानेपानी उपलब्ध गराउने लक्ष्यसहित यो परियोजना अघि बढाइएको हो ।
आज सम्पन्न श्रमदानकार्यक्रममा पालिका अध्यक्ष दिपेन्द्र सुनारी स्वयं स्थानीयहरूसँगै सक्रिय रूपमा श्रमदानमा सहभागी हुनुभयो । उहाँ सँगै वडा नं. १ का अध्यक्ष दिल बहादुरसूर्यवंशी, अन्य जनप्रतिनिधिहरू, समाजसेवी, स्थानीय युवा तथा सर्वसाधारणको उल्लेखनीय उपस्थिति रहेको थियो ।
स्थानीय बासिन्दाहरूले स्वस्फूर्त रूपमा श्रमदान गर्दै पाइप बिच्छ्याउने कार्यमा सहभागिता जनाए, जसले योजनाको कार्यान्वयनलाई थप गतिशील बनाएको छ ।
पालिका अध्यक्ष दिपेन्द्र सुनारीले स्थानीयको सहयोग र उत्साहलाई प्रशंसा गर्दै यो योजना समयमै सम्पन्न गर्ने प्रतिबद्धता जनाउनुभयो । उहाँ स्वयं श्रमदानमासहभागी भई स्थानीयहरूसँग काँधमा काँध मिलाएर काम गर्नु भएकोले समुदायमा थप ऊर्जा सञ्चार भएको छ । उहाँले स्थानीयस्तरबाट देखिएको यस्तोसहभागिता उदाहरणीय मात्र नभई सामुदायिक विकास र सहकार्यको अनुपम नमूना पनि हो भन्दै सबैलाई हार्दिक आभार व्यक्त गर्नुभयो ।
यो खानेपानी योजना पूरा भएपछि बुलिङटार–१ का बासिन्दाहरूलाई शुद्ध र भरपर्दो पानी आपूर्ति हुने अपेक्षा गरिएको छ । यस परियोजनाले स्वास्थ्य, सरसफाइर समग्र जीवनस्तरमा सकारात्मक प्रभाव पार्ने विश्वास गरिएको छ । पालिका अध्यक्ष स्वयं श्रमदानमा खटिएपछि स्थानीय समुदायमा थप उत्साह रजिम्मेवारीबोध जागृत भएको छ, जसले यो योजना छिट्टै र सफल रूपमा सम्पन्न हुने आशा गरिएको छ ।
