नवलपुर ५ बैशाख । प्रधानमन्त्री एवं नेकपा एमालेका अध्यक्ष केपी शर्मा ओलिले नवलपुर जिल्ला कम्युनिष्ट पाटिको उर्वर भुमि रहेको बताउनु भएको छ ।
नेकपा एमालेका अध्यक्ष समेत रहनुभएका प्रधानमन्त्री केपि शर्मा ओलीले आफु नवलपुरमा रहेर पार्टी संगठन निर्माणको काम गरेको स्मरण गर्दै नवलपुर जिल्ला कम्युनिष्ट पार्टीको उर्वर भुमि रहेको बताउदै नवलपुर जिल्लाका दुई वटै प्रतिनिधि सभा क्षेत्रबाट एमालेका उम्मेद्वार पराजय हुदा नेकपा एमालेलाई मात्र नभई सिङ्गो देशलाई नै क्षति पुगेको बताउनु भयो ।
उहाँले नेपालमा नेकपा एमाले राष्ट्रिय शक्ति भएकोले नेकपा एमाले मात्र नभएको भए देश ठुलो दुर्धटनामा जाने बताउदै आन्तरिक कलहबाट टाढा रहेर पार्टी निर्माणमा लाग्न कार्यकर्तालाई निर्देशन समेत दिनु भयो । उहाँले पाँच पाँच वर्षमा आवधिक निर्वाचन हुने भएपनी सुखी नेपाली, समृद्ध नेपाल निर्माणलाई पुरा गर्न २०८४ को निर्वाचनमा एमाले धेरै सिटमा जित्नुपर्ने भएकोले मिसन ८४ केन्द्रित गरेर संगठन निर्माणका गतिविधि संचालन गरेको बताउदै जरा अभियान नेताहरुको बीचमा मात्र सिमित नराखी वडा र टोल कमिटि सम्म लैजान आग्रह गर्नुभयो ।
प्रधानमन्त्री वलीलाई नवलपुर जिल्लाको समग्र विकासकालागि संघीय सरकारको तर्फबाट गर्नुपर्ने विकास निर्माणका कार्यहरु जिल्लाका ७ बटा स्थानीय पालिकाका प्रमुखहरुले बुझाउनु भएको थियो । पुर्व प्रतिनिधि सभा सदस्य एवम् एमाले केन्द्रीय सदस्य तथा जिल्ला ईन्चार्ज तिलक महतले समृद्ध नवलपुरका लागि संघिय सरकारले गर्नुपर्न कार्यहरु वाचन गरेर प्रधानमन्त्री के. पि. शर्मा ओलिलाई हस्तान्तरण गर्नु भएको थियो ।
कार्यक्रममा नेपाल सरकारका भौतिक पूर्वाधार तथा यातायात मन्त्री देवेन्द्र दाहाल, एमाले केन्द्रीय सदस्य एवम् संविधान सभा सदस्य कृष्ण पौडेल, गण्डकी प्रदेश सरकारका कृषि भुमि तथा सहकारि मन्त्री पद्मा श्रेष्ठ, एमाले जिल्ला अध्यक्ष एवम् संविधानसभा सदस्य जीवन श्रेष्ठ, प्रदेश सभा सदस्य लक्ष्मण पाण्डे सहित पालिका प्रमुख, उपप्रमुख लगायतको उपस्थिति रहेको थियो ।
