बुलिङटार २२ बैशाख । बुलिङटार गाउँपालिकाको आयोजनामा गाउँपालिकाको सभा हलमा आ.व. २०८१/०८२ को तेस्रो त्रैमासिक प्रगति समीक्षा, खर्च सार्वजनिकरण तथा सार्वजनिक सुनुवाइ कार्यक्रम भव्य र सभ्य रूपमा सम्पन्न भएको छ ।
कार्यक्रममा गाउँपालिकाका उपाध्यक्ष श्रीमती दिलमाया राना, वडा अध्यक्षज्यूहरू, कार्यपालिका सदस्यहरू, विभिन्न राजनीतिक दलका प्रमुखप्रतिनिधिहरू, स्थानीय संघसंस्थाका प्रतिनिधिहरू, समाजसेवीहरू, प्रमुख प्रशासकीय अधिकृत, विभिन्न शाखाका प्रमुखहरू तथा अन्यकर्मचारीहरूको उल्लेखनीय उपस्थिति रहेको थियो ।
कार्यक्रममा प्रमुख प्रशासकीय अधिकृतज्यूबाट त्रैमासिक प्रगति तथा आर्थिक विवरण प्रस्तुत गरियो। त्यसपछि भएको सार्वजनिक सुनुवाइ सत्रमास्थानीय नागरिक, सरोकारवाला निकायका प्रतिनिधिहरूले विभिन्न प्रश्न, सुझाव र गुनासाहरू प्रस्तुत गरेका थिए। ती सबै प्रश्नहरूको अध्यक्ष श्रीदिपेन्द्र सुनारीज्यूले स्पष्ट, सहज र सरल भाषामा जवाफ दिनुभएको थियो ।
पालिका अध्यक्ष दिपेन्द्र सुनारीज्यूले कार्यक्रममा “हामी पारदर्शी, उत्तरदायी र सहभागितामूलक शासन प्रणालीमा विश्वास गर्छौं। जनताको विश्वासजित्ने माध्यम नै यस्ता सार्वजनिक सुनुवाइ कार्यक्रम हुन्। जनप्रतिनिधि र सेवाग्राहीबीच प्रत्यक्ष संवादको अवसर प्रदान गर्नु हाम्रो प्राथमिकता हो। यहाँउठेका हरेक सुझाव र गुनासोलाई गम्भीरतापूर्वक लिनेछौं र आगामी योजनामा समावेश गर्नेछौं“भन्नुभयो ।
कार्यक्रमको सञ्चालनमा सहयोग क्रियटिभ क्रिएशन एन्ड मिडिया प्रा.लि. र बुलिङटार प्रेसले गरेका थिए ।
कार्यक्रमको सफल व्यवस्थापन रसूचनाको प्रभावकारी प्रवाहका लागि अध्यक्षज्यूले दुवै संस्थालाई विशेष धन्यवाद व्यक्त गर्नुभयो ।
कार्यक्रममा सक्रिय रूपमा सहभागी भई आफ्ना विचार, सुझाव तथा गुनासाहरू राख्नुहुने सम्पूर्ण सरोकारवालाहरू, अतिथि महानुभावहरू, जनप्रतिनिधिहरू, कर्मचारीहरू तथा स्थानिय बासिन्दाहरूमा बुलिङटार गाउँपालिकाको तर्फबाट हार्दिक धन्यवाद तथा आभार प्रकट गरिन्छ ।
