बुलिङ्टार ६ जेठ । बुलिङ्टार गाउँपालिका र गैँडाकोट नगरपालिका जोड्ने कालीगण्डकी करिडोर अन्तर्गतको तरङ्ग खोलामा निर्माणाधीन पुलको कार्य अन्तिम चरणमा पुगेको छ ।
लामो समयदेखि पुल अभावका कारण स्थानीयवासी तथा यात्रुहरूले ठूलो कठिनाइ भोग्दै थियो । पुल निर्माण सम्पन्न भएपछि यात्रुहरूलाई आवतजावतमा सहजता प्राप्त हुने भएको छ ।
उक्त पुलको निर्माण कार्य सफल रूपमा सम्पन्न गर्नका लागि बुलिङ्टार गाउँपालिकाका अध्यक्ष श्री दिपेन्द्र सुनारीज्यूले सडक डिभिजन कार्यालय, भौतिक पूर्वाधार तथा यातायात मन्त्रालय, निर्माण पक्ष र सम्बन्धित सरोकारवाला निकायहरूसँग निरन्तर समन्वय गर्दै आवश्यक पहल र दबाब पछी निमार्ण सुरु भएको थियो ।
यो पुल निर्माणले नवलपुर र पाल्पा क्षेत्रका नागरिकहरूलाई मात्र नभई, यो करिडोर प्रयोग गर्ने सम्पूर्ण यात्रुहरूलाई प्रत्यक्ष लाभ पुग्नेछ। साथै, अहिले नारायणघाट–बुटवल सडक खण्ड अवरुद्ध हुँदा कालीगण्डकी करिडोरलाई वैकल्पिक मार्गका रूपमा प्रयोग गरिँदै आएको छ ।
