गैडाकोट ६ जेठ । नवलपरासी (पूर्व)को गैडाकोट नगरपालिका वडा नम्बर ९ थुम्सीस्थित पूर्व–पश्चिम राजमार्गमा आज दिउँसो करिब २:४५ बजे भएको सवारी दुर्घटनामा ९ जना घाइते भएका छन् ।
काठमाडौँबाट भैरहवा जाँदै गरेको लु २ ख ६६७२ नम्बरको यात्रुबाहक बस र बुटवलबाट नारायणगढतर्फ आउँदै गरेको लु २ ख ६९८५ नम्बरको माइक्रोबस एकआपसमा ठोक्किँदा दुर्घटना भएको हो ।
दुर्घटनामा माइक्रोबसका चालक, सहचालकसहित ९ जना घाइते भएका छन् । घाइतेहरूलाई उपचारका लागि भरतपुरस्थित नयाँ मेडिकल कलेज पठाइएको जिल्ला ट्राफिक कार्यालयले जनाएको छ ।
घाइतेहरूको विवरण यस प्रकार छः
१. विनोद सिँह ठाकुर (४२), रुपन्देही देवदह २ – माइक्रो चालक, निधारमा मध्यम चोट
२. गोपाल मगर (२९), सहचालक – शरीरका विभिन्न भागमा मध्यम चोट
३. अनिता नेपाली (२१), चितवन भरतपुर १६ – निधारमा मध्यम चोट
४. बिण्णु नेपाली (३६) – टाउकोमा मध्यम चोट
५. बर्षात सुबेदी (२२), बुटवल उपमहानगरपालिका ५ – भित्री चोट
६. जमुना लामा (३०), बुटवल उपमहानगरपालिका १३ – हात र खुट्टामा सामान्य चोट
७. समर्थ नेपाली (७), भरतपुर महानगरपालिका १६ – सामान्य चोट
८. अनुप गुरुङ (२५), भरतपुर महानगरपालिका १९ – हात र खुट्टामा मध्यम चोट
९. होम बहादुर रुचाल, भरतपुर महानगरपालिका १६ – दाहिने आँखामा चोट, स्थानिय सुमन मेडिकलमा उपचार भइरहेको छ ।
