नवलपुर १३ जेठ । मध्यविन्दु नगरपालिका–७ अम्रसा जंगलस्थित भित्री बाटोमा भएको मोटरसाइकल दुर्घटनामा परी दुई जनाको मृत्यु भएको छ भने एक जना गम्भीर घाइते भएका छन् ।
दुर्घटना २०८२ जेठ १३ गते बिहान करिब ६:०० बजे भएको हो ।
अम्रसाबाट चोरमारा तर्फ आउँदै गरेको लु ९ प ८११६ नम्बरको होण्डा साइन मोटरसाइकल अनियन्त्रित भई दुर्घटना हुँदा सवार तीनै जना व्यक्ति घाइते भएका थिए । घाइतेहरूलाई तत्काल प्रादेशिक अस्पताल डण्डा लगिएको थियो ।
दुर्घटनामा मृत्यु हुनेहरूमा:
१.नविन कुमाल, २४ वर्ष, स्थायी ठेगाना मध्यविन्दु–७ चोरमारा, शरिरमा गम्भीर भित्री चोटका कारण बिहान ६:३० बजे उपचारका क्रममा मृत्यु भएको ।
२.रादिम मिधुन, २२ वर्ष, ठेगाना खुलाइएको छैन, उनी पनि भित्री चोटका कारण ६:३० बजे मृत घोषणा गरिएको ।
घाइते
मनिष घर्ती मगर, २८ वर्ष, स्थायी ठेगाना बर्दघाट नगरपालिका–५, हाल चोरमारामा टायल तथा मार्बल मिस्त्रीको काम गर्दै आएका, उनको बाँया खुट्टा र शरीरमा गम्भीर चोट लागेको छ ।
उनलाई थप उपचारका लागि नयाँ मेडिकल कलेज भरतपुर रिफर गरिएको छ ।
प्रहरीले दुर्घटनाबारे थप अनुसन्धान गरिरहेको जनाएको छ ।
