बुलिङटार ०७ असार। जिल्ला बाल क्लब नवलपरासी (ब. सु. पूर्व.) द्वारा जिल्लाको सम्पूर्ण पालिकाको पालिका अवलोकन आयोजना गरी सु – सम्पन्न गरिएको छ ।
मिति २०८२/०२/१४ गते मध्यविन्दु नगरपालिका,मिति २०८२/०२/२३ गते हुप्सेकोट गाउँपालिका,मिति २०८२/०२/२९ गते कावासोती नगरपालिका,मिति २०८२/०३/०१ गते विनयी त्रिवेणी गाउँपालिका,मिति २०८२/०३/०४ गते बौंदीकाली र बुलिङटार गाउँपालिका मिति २०८२/०३/०५ गते देवचुली र गैंडाकोट नगरपालिका गर्दै जिल्ला बाल क्लब नवलपरासी (ब. सु. पूर्व.) द्वारा सम्पूर्ण पालिकाको पालिका प्रमुख, उप प्रमुख, प्रमुख प्रशासकीय अधिकृत, म. वा. शाखा प्रमुख, पालिका बाल सञ्जाल लगायत विविध व्यक्तित्वहरु साथै नियामक निकायहरूसँग विविध विषयमा छलफल गरी कार्यक्रम सभ्य र भव्य रूपमा सु-सम्पन्न गरियो ।
जिल्ला बाल क्लब नवलपुरका अध्यक्ष शिशिर आचार्यको अनुसार पहिलेको वर्ष जस्तै यस वर्ष पनि बालबालिका सँग सम्बन्धित कामको प्रगति विवरण संकलन गर्ने, बालमैत्री अवधारणा अगाडि बढाउने, पालिकाको बाल श्रम लगायत बालबालिका सँग सम्बन्धित विविध पक्षहरूको स्तिथि लगायत विविध विषयमा छलफल एवं सल्लाह सुझावहरूको साथमा जिल्लालाई नै नमूना बालमैत्री को रूपमा अगाडि बढाउने योजनाको साथमा उक्त कार्यक्रम समापन गरिएको छ । साथै यस वर्षको पालिका अवलोकन पहिलेको वर्ष भन्दा अझ प्रभावकारी रहेको र यसले जिल्ला बाल क्लब, पालिका बाल सञ्जाल एवं सम्पूर्ण पालिकाहरुलाई काम गर्न थप ऊर्जा प्रदान गर्ने कुरा उनले जानकारी दिए ।
क्लबका सचिव विशाल सापकोटाको अनुसार यस कार्यक्रमको प्रभावकारिता क्लब र पदाधिकारीहरुले सोचेको भन्दा पनि अझ राम्रो भएको र अघिल्लो वर्षको पालिका अवलोकनले जिल्लामा बालबालिका र बालमैत्री स्थानीय शासन निर्माण अवधारणा अगाडि बढेको र यस वर्षको अवलोकनले उक्त अवधारणा कार्यान्वयनका साथमा नयाँ उचाईमा पुग्ने कुरा उल्लेख गर्नुभयो ।
