बुलिङटार ०९ असार । बुलिङटार गाउँपालिकाको सम्पूर्ण वडामा जनतासंग अध्यक्ष कार्यक्रम सम्पन्न भएको छ ।
गाउँपालिकाको आयोजनामा तथा बुलिङटार प्रेस को समन्वयनमा “जनतासँग अध्यक्ष” कार्यक्रम भएको छ । कार्यक्रमको अध्यक्षता गाउँपालिका अध्यक्ष ई.दिपेन्द्र सुनारी मगर, विशिष्ट सबै वडाको अध्यक्षहरुको समन्यव र अन्य जनप्रतिनिधिहरू, स्थानीय बुद्धिजीवी, सामाजिक अगुवा तथा स्थानीय नागरिकहरूको उल्लेखनीय उपस्थिति रहेको थियो ।
कार्यक्रममा सम्बोधन गर्दै अध्यक्ष दिपेन्द्र सुनारी मगरले सम्बन्धित वडा अध्यक्षहरूले स्थानीय सरकारलाई जनउत्तरदायी, पारदर्शी र जनमुखी बनाउने उद्देश्यले “जनतासँग अध्यक्ष” कार्यक्रम सञ्चालन गरिएको जानकारी दिनुभयो । साथै, पालिका अध्यक्ष दिपेन्द्र सुनारीलेआगामी दिनहरूमा अन्य वडाहरूमा पनि यस्ता कार्यक्रम निरन्तर रूपमा सञ्चालन गरिने जानकारी पनि दिनुभयो। कार्यक्रमका क्रममा स्थानीयवासीहरूले खानेपानी, सडक, कृषि, शिक्षा, स्वास्थ्यलगायत विविध क्षेत्रका समस्या तथा सुझावहरू राख्नु भएको थियो ।
वडास्तरमै नागरिकसँग प्रत्यक्ष संवाद गर्नुपर्छ भन्ने सोचका साथ सञ्चालन गरिएको यो कार्यक्रम सहभागी सबैले सकारात्मक रूपमा ग्रहण गर्नु भएको छ ।
