बुलिङटार २५ असार । बुलिङटार वडा नं. ३ र वडा नं. ६ का प्रहरी चौकीलाई विविध राहत तथा उद्धार सामग्रीहरू वितरण गरिएको छ ।
बुलिङटार गाउँपालिकाको समग्र विपद् व्यवस्थापन तथा जोखिम न्यूनीकरणका लागि एक महत्वपूर्ण कदमस्वरूप, बुलिङटार गाउँपालिका अध्यक्ष श्री दिपेन्द्र सुनारी मगर र वडा नं. ३ का वडा अध्यक्ष श्री विष्णु वीर जर्गा मगरको विशेष उपस्थितिमा बुलिङटार वडा नं. ३ र वडा नं. ६ का प्रहरी चौकीलाई विविध राहत तथा उद्धार सामग्रीहरू वितरण गरिएको छ ।
उक्त कार्यक्रम अन्तर्गत विपद् पूर्वतयारी र आपतकालीन अवस्थाको प्रभावकारी व्यवस्थापनका लागि आवश्यक मानिने बेल्चा, स्ट्रेचर, प्राथमिक उपचार बक्स, लाइफ ज्याकेट, ट्युब सेट, रेस्क्यु डोरी (रेस्क्यू रोप), बाल्टी, रेनकोट लगायतका सामग्रीहरू प्रदान गरियो ।
यस वितरणले बाढी, पहिरो तथा अन्य प्राकृतिक प्रकोपको सम्भावित जोखिमलाई न्यूनीकरण गर्न र प्रभावकारी उद्धार तथा राहत कार्य सञ्चालन गर्न सहयोग पुग्ने अपेक्षा गरिएको छ ।
