गैंडाकोट १३ कात्तिक । नवलपरासी को गैंडाकोट नगरपालिका-१४ अमरापुरीस्थित पूर्व-पश्चिम राजमार्गमा आज दिउँसो मोटरसाइकल दुर्घटनामा एक महिला घाइते भएकी छन् ।
कावासोतीबाट नारायणगढ तर्फ जाँदै गरेको ना.५९प.२२२६ नम्बरको मोटरसाइकलले बाटो क्रस गर्दै गरेकी अमरापुरी निवासी ३३ वर्षीया इन्दिरा घिमिरेलाई ठक्कर दिएको प्रहरीले जनाएको छ। दुर्घटनामा घिमिरेको टाउकोमा चोट लागेर घाइते भएकी उनलाई उपचारका लागि भरतपुरस्थित नयाँ मेडिकल कलेजमा पठाइएको छ ।
मोटरसाइकल चालक चितवन जिल्ला, भरतपुर महानगरपालिका-११ शान्तिटोल निवासी ७३ वर्षीय हरीनारायण पौडेललाई प्रहरीले नियन्त्रणमा लिएर आवश्यक अनुसन्धान थालेको इलाका प्रहरी कार्यालय नवलपुरले जानकारी दिएको छ ।
