बुलिङटार २५ कार्तिक । बुलिङटारमा निःशुल्क आँखा परीक्षण तथा अप्रेशन शिविर कार्यक्रम सफलतापूर्वक सम्पन्न भएको छ ।
स्थानिय नागरिकहरूलाई आफ्नै गाउँमै सहज, सुलभ र गुणस्तरीय आँखा उपचार सेवा उपलब्ध गराउने उद्देश्यले बुलिङटार गाउँपालिका अध्यक्ष इ. दिपेन्द्र सुनारी मगरको पहलमा शिविर कार्यक्रम सफलतापूर्वक सम्पन्न गरिएको हो ।
बुलिङटार गाउँपालिका कार्यालय, भरतपुर आँखा अस्पताल र कुमारी सार्वजनिक शैक्षिक गुठी लगायतका संस्थाहरूको संयुक्त आयोजनामा उक्त कार्यक्रम गाउँपालिका भित्रका आमनागरिकहरूको आँखा सम्बन्धी समस्या समाधान गर्ने उद्देश्यले आयोजना गरिएको हो ।
कार्यक्रम बुलिङटार गाउँपालिकाका अध्यक्ष इ. दिपेन्द्र सुनारी मगरकोको अध्यक्षतामा भएको कार्यक्रममा कुल ५६० जना बिरामीहरूले आँखाको स्वास्थ्य परीक्षण गरिएको थियो, जस मध्ये ७० जना बिरामीहरूलाई निःशुल्क अप्रेशन सेवा गाउँपालिकाको सहजीकरणमा नै प्रदान गरिएको थियो ।
यस सफल आयोजनामा सहयोग पुर्याउने भरतपुर आँखा अस्पताल, कुमारी सार्वजनिक शैक्षिक गुठी, बुलिङटार स्वास्थ्य शाखाका प्रमुख, सम्पूर्ण स्वास्थ्यकर्मी, स्वयंसेवक तथा प्राविधिक टिम र जनप्रतिनिधिलाई गाउँपालिकाको तर्फबाट हार्दिक धन्यवाद अध्यक्ष सुनारीले गर्नुभएको थियो ।
