गैंडाकोट २९ कार्तिक । गैंडाकोट नगरपालिका वडा नं १ र २ मा एक हप्ते मगर भाष, अक्खा लिपि आधारभूत प्रशिक्षण कार्यक्रम आज देखि सञ्चालन गरेको छ ।
नेपाल मगर संघ नगर समितिको समन्वय, नेपाल मगर लेखक संघ नगर समितिको सहकार्य र शहीद लखन थापा मगर भेजा संस्थाको आयोजनामा सात दिने कार्यक्रम गैंडाकोट १ सिर्जनशील महिला समूहको सभा हलमा सञ्चालन गरिएको हो ।
कार्यक्रमा प्रमुख अतिथि नेपाल मगर लेखक संघ गण्डकी प्रदेशको अध्यक्ष खड्का बहादुर पानी आले मगर, विशिष्ट अतिथि नेपाल मगर संघ नगर समितिको अध्यक्ष दुर्गा बहादुर पुन मगर, नेपाल मगर लेखक संघ नगर समितिको अध्यक्ष टिका राम सारु मगर, उपाध्यक्ष अनुषा सुनारी मगर,गैंडाकोट १ का वडा सदस्य चेली माया आले मगर साथै तक बहादुर विर्कटा मगर, मगर भूतपूर्व संघ नगर पालिका को अध्यक्ष चेत बहादुर सारु मगर र अन्य प्रशिक्षण गर्नको लागि १ र २ को उल्लेखित मगरहरूको सहभागी भएको थियो ।
यस कार्यक्रमा शुभकामना दिँदै नेपाल मगर संघ गैंडाकोट नगरपालिका संरक्षण केहर सिं थापा मगरले हामी मगर अरूको भाषा बिशेष अभियान गर्छौं तर आफ्नै भाषा सिक्नालाई गार्हो मान्छन् भन्ने कुरा राख्नु भएकाे थियाे । गर्छन । सधैं नेपाल मगर लेखक संघ केन्द्रीय सदस्यले भाषा भनेको बोलेर मात्रै नभई यसलाई लिपि प्रयोग गरी यसको जागरण गर्नको लागि विशेष रुपमा पहल गर्ने प्रतिबद्ध गर्नु भएको छ ।
नेपाल मगर संघ गैंडाकोट नगर समितिको अध्यक्ष दुर्गा बहादुर पुन मगरले मगर भाषा गजल लेखी उपस्थिति सबैलाई सुनाउनु भएको थियो । उहाँले भन्नु भयो “आमाको काख बाटै सिक्ने कुरा अहिले हामीले सिक्नु पर्ने भएको छ ।” त्यसैले अहिले देखि हामीले सिक्दै गयो भने भोलि आउने पिढीलाई सजिलो हुने कुरा भानु भएकाे थियाे ।
