गैंडाकोट ७ कार्तिक । गैंडाकोट नगरपालिका वडा नं १ र २ मा एक हप्ते माग भाष, अक्खा लिपि आधारभूत प्रशिक्षण कार्यक्रम लाफा महिला आमा समूहको गैँडाकोट १ स्थित बुद्ध विहार ग्याचो डाँडामा भव्य रूपमा सम्पन्न गरिएको हो ।
नेपाल मगर संघ नगर समितिको समन्वय, नेपाल मगर लेखक संघ नगर समितिको सहकार्य र शहीद लखन थापा मगर भेजा संस्थाको आयोजनामा सात दिने कार्यक्रम वडा नं १ र २ को विभिन्न स्थानमा संचालन गरी आज सोही अवधिमा प्रशिक्षण लिनु भएको प्रशिक्षकहरु लाई प्रमाणपत्र सहित सम्मान गरिएको थियो ।
कार्यक्रमा प्रमुख अतिथि गैंडाकोट नगरपालिका वडा नं.१ का वडा सदस्य चेली माया सारु मगर, विशिष्ट अतिथि नेपाल मगर लेखक संघ गण्डकी प्रदेशको अध्यक्ष खड्का बहादुर पानी आले मगर, विशिष्ट अतिथि नेपाल मगर संघ जिल्ला समन्वय समिति उपाध्यक्ष दुर्गा बहादुर मासरंगी मगर, अतिथि नेपाल मगर लेखक संघ नगर समितिको अध्यक्ष टिका राम सारु मगर, उपाध्यक्ष अनुषा सुनारी मगर,नेपाल मगर संघ केन्द्रीय मगर भूतपूर्व संघ सदस्य अध्यक्ष चेत बहादुर सारु मगर र अन्य प्रशिक्षण गर्नको उल्लेखित मगरहरूको सहभागी भएको थियो ।
