बुलिङटार १९ माघ । बुलिङ भलायटार विकास समाज (B²D Group) द्वारा आयोजित बृहत् सांस्कृतिक कार्यक्रम तथा साविक वडा स्तरीय पुरुष भलिबल प्रतियोगिता-२०८२ भव्य रुपमा मनाउने भएको छ ।
बुलिङ भलायटार विकास समाजको आयोजनामा बुलिङटार ३ भलायटार झिल्के चौतारीमा हुने स्वास्थ्यका लागि खेलकुद, राष्ट्रका लागि खेलकुद भन्ने मूल नारालाई आत्मसाथ गर्दै माघ २२ गते बृहत् सांस्कृतिक कार्यक्रम तथा साविक वडा स्तरीय पुरुष भलिबल प्रतियोगिता-२०८२ शुरु हुने अध्यक्ष पुलामी मगरले बताउनुभयो ।
अध्यक्ष पुलामीका अनुसार प्रतियोगितामा प्रथम हुनेलाई रु ६० हजार शिल्ड, मेडल र प्रमाणपत्र, द्वितीयलाई रु ४० हजार शिल्ड, मेडल र प्रमाणपत्र, तृतीयलाई रु २० हजार शिल्ड, मेडल र प्रमाणपत्र र सर्वो उत्कृष्ट खेलाडी, उत्कृष्ट सेटर, उत्कृष्ट स्पाइकर, उत्कृष्ट लिब्रो, मिड ब्लकरको लागि पुरस्कार पनि रहेको छ ।
यस्तै माघ २२ गते बृहत सांस्कृतिक कार्यक्रममा भने राष्ट्रिय लोकदोहोरी गायक खुमन अधिकारी, रिता थापा मगर, दिपक खड़का, अर्जुन थापा मगर, यम आले मगर, अमर रजाली मगर, बेल बहादुर राना मगर, हास्यकलाकार जिवन थापा मगर र डान्सर जुना थापा मगर लगायत स्थानीय कलाकारहरुको बेजोड प्रस्तुति रहने आयोजकले जानकारी गर्नुभएको छ । साथै साथै २०८२ माघ २२ गते बिहान १०:०० बजे महिला समूह शोभा ऱ्याली प्रतियोगिता उत्कृष्ट हुनेलाई पुरस्कारको व्यवस्था पनि छ । प्रथम : रु. १०,०००/- द्वितीय : रु. ८.०००/- तृतीय: रु. ५.०००/- सहभागी प्रत्येक समुहलाई रु. १,०००/- को व्यवस्था रहेको छ ।
