बुलिङटार २७ चैत । गण्डकी प्रदेश नवलपुर जिल्ला बुलिङटार गाउँपालिका शाखाले आफ्नो १६औं वार्षिक उत्सवको अवसरमा आयोजक जनउत्थान समुदायिक लघु वित्त संस्था लिमिटेड र रेडक्रस सोसाइटी बुलिङटार उपशाखाको समन्वयमा यही २०८२/१२/ २७ गतेका दिन रक्तदान कार्यक्रम भव्य रूपमा सम्पन्न गरिएको छ ।
यस कार्यक्रममा सभापति यस संस्थाका अध्यक्ष श्री कल्पना दर्जी ,प्रमुख अतिथि बुलिङ्गटार गाउँपालिका अध्यक्ष श्री दिपेन्द्र सुनारी मगरको अध्यक्ष्यतमा सम्पन्न भएको हो । यस कार्यक्रममा विशिष्ट अतिथि बुलिङटार गाउँपालिका वडा नं-३,का अध्यक्ष विष्णु वीर जार्घ मगर, अतिथि रक्तसञ्चार केन्द्र कावासोती सभरती अमृत सिक्देल, भारतीपुर रेडक्रस सोसाइटी उपशाखा रामजी श्रेष्ठ,नेपाल रेडक्रस सोसाइटी उपशाखा सभापति सन्त बहादुर कुमाल साथै त्रिभुवन माध्यमिक विद्यालय बुलिङटारका प्रधानध्यापक श्री शम्भु प्रसाद बस्ताकोटी साथै बुलिङटार इलाका प्रहरी कार्यालयका प्रमुख उपस्थिति रहेको थियो ।
कार्यक्रममा सहभागि भाई रक्तदान गर्नु भएको २७ जनालाई प्रमाण पत्र पनि उपलब्ध गराएको थियो ।
यस कार्यक्रममा प्रमुख अतिथिले यस्तै काम अरु विभिन्न संस्थाले पनि अबको समयमा गर्दै आयो भने अझै पनि हाम्रो बुलिङटार हेर्न लायक र बस्न लयको समृद्ध बुलिङटार हुन्छ भन्ने कुरा भन्नु भएको थियो ।
