बुलिङटार २२ वैशाख । बूलिङ भलायटार विकास समाजद्वारा संकलित सहयोगका रकम क्यान्सर पीडितलाई हस्तारण गरियो।
“जीवन बचाऔँ, आशा जगाऔँ” भन्ने मूल नारा सहित बूलिङ भलायटार विकास समाजको विशेष पहलमा साथै यस क्लबका अध्यक्ष श्री अर्जुन पुलामी मगरको प्रमुख भूमिकामा जिल्ला नवलपुर बर्दघाट सुस्ता पूर्व बुलिङटार गाउँपालिका वडा नं ३ निवासी श्री बिमल पाटा मगरकी पत्नी श्री शान्ति पाटा मगरको गम्भीर क्यान्सर रोग लागेको हुनाले बुलिङ भलायटार विकास समाजले संकलन गरेको रकम रु.४२३४५०/-(अक्षरुपी चार लाख तेइस हजार चार सय पचास रुपैयाँ) क्यान्सर पीडितलाई हस्तान्तरण गरियो ।
सो कार्यक्रममा स्थानीय बुद्धिजीवी, समाजसेवी साथै बुलिङटार गाउँपालिका वडा नं १ वडा अध्यक्ष श्री दिल बहादुर सूर्यवंशी मगर, वडा नं ३ वडा अध्यक्ष श्री बिष्णु वीर जर्घा मगर, श्री छातिस माध्यमिक विद्यालय प्रधानध्यापक श्री तेजमान श्रेष्ठ, श्री महेन्द्र प्राथमिक विद्यालयका प्रधानध्यापक श्री भविलाल राना मगर, बुलिङटार गाउँपालिका कार्यालयका जनस्वास्थ्य निरीक्षक श्री अशोक कुमार श्रेष्ठ र नेपाल मगर संघ बुलिङटार गाउँपालिका अध्यक्ष श्री प्रिथा बहादुर राना मगर हरुको रोहवरमा संकलित रकम बुझाइयो ।
यस अभियानमा सहयोग प्रदान गर्नुहुने सम्पूर्ण मनकारी तथा दयालु व्यक्तित्वहरूमा यस क्लबका अध्यक्षले धन्यवाद साथै हार्दिक कृतज्ञता व्यक्त गर्नु भयो ।
