बुलिङटार २७ वैशाख । बुलिङटार गाउँपालिकाद्वारा आयोजित पाँच दिवसीय “आधारभूत तथा माध्यमिक विद्यालयका IT स्रोत शिक्षकहरूको क्षमता विकास तालिम” २०८३ साल बैशाख २३ गतेदेखि बैशाख २७ गतेसम्म सञ्चालन भई आज सफलतापूर्वक सम्पन्न भएको छ ।
समापन सत्रको अध्यक्षता शाखा प्रमुख श्री बुद्ध प्रसाद रानाभाटले गर्नुभएको थियो भने प्रमुख अतिथिको रूपमा गाउँपालिका अध्यक्ष ई. दिपेन्द्र सुनारीको गरिमामय उपस्थिति रहेको थियो ।
गाउँपालिका अध्यक्षले तालिमबाट प्राप्त ज्ञान, सीप र अनुभवलाई विद्यालय तथा कक्षाकोठामा प्रभावकारी रूपमा प्रयोग गर्दै शिक्षण–सिकाइ प्रक्रियालाई अझ गुणस्तरीय, आधुनिक र प्रविधिमैत्री बनाउनुपर्नेमा जोड दिनुभयो ।
तालिम सफलतापूर्वक सम्पन्न गर्न सहयोग गर्नुहुने सम्पूर्णप्रति आयोजकले हार्दिक आभार व्यक्त गरेका थियो । साथै, सक्रिय र उत्साहपूर्ण सहभागिता जनाउनुहुने सबै सहभागी शिक्षकहरूलाई हार्दिक धन्यवाद ज्ञापन गर्दै तालिमबाट प्राप्त ज्ञान र सीपलाई व्यवहारमा प्रभावकारी रूपमा कार्यान्वयन गर्नुहुनेछ भन्ने पूर्ण विश्वास आयोजकले व्यक्त गर्नु भएको छ ।
