बुलिङटार ०१ वैशाख । गाउँपालिकाको शैक्षिक गुणस्तर अभिवृद्धि गर्ने उद्देश्यले २०८३ बैशाख २९ गतेदेखि ३१ गतेसम्म सञ्चालन गरिएको कक्षा १–३ मा अध्यापनरत शिक्षकहरूका लागि “एकीकृत पाठ्यक्रममा आधारित ३ दिवसीय कस्टमाइज्ड तालिम” सफलतापूर्वक सम्पन्न भएको छ ।
तालिममा एकीकृत पाठ्यक्रमको प्रभावकारी कार्यान्वयन, बालमैत्री शिक्षण विधि तथा कक्षाकोठामा प्रयोग गर्न सकिने विविध सिकाइ सहजीकरण सम्बन्धी ज्ञान तथा सीप प्रदान गरिएको थियो । यसले शिक्षकहरूको पेशागत क्षमता विकास भई विद्यालय शिक्षाको गुणस्तर सुधारमा सहयोग पुग्ने अपेक्षा गरिएको छ ।
तालिमको समापन सत्रमा गाउँपालिका अध्यक्ष श्री दिपेन्द्र सुनारीज्यू प्रमुख अतिथिका रूपमा उपस्थित भई शिक्षाको गुणस्तर सुधारमा शिक्षकको भूमिका महत्वपूर्ण रहेको उल्लेख गर्दै तालिमबाट प्राप्त ज्ञान, सीप तथा अनुभवलाई व्यवहारमा उतार्न आग्रह गर्नुभयो ।
समापन कार्यक्रममा प्रमुख प्रशासकीय अधिकृत श्री विष्णु बहादुर थापाज्यू, सामाजिक विकास समितिका संयोजक श्री विष्णुवीर जर्घा मगरज्यू लगायतको गरिमामय उपस्थिति रहेको थियो ।
तालिममा सहभागी सम्पूर्ण शिक्षक महानुभावहरू, प्रशिक्षक तथा सहयोगी सबैप्रति हार्दिक धन्यवाद व्यक्त गर्दछौं । उक्त कार्यक्रम शाखा प्रमुख श्री बुद्ध प्रसाद रानाभाटज्यूको अध्यक्षतामा सम्पन्न भएको थियो ।
