बुलिङटार ०५ जेष्ठ । बुलिङटार गाउँपालिका भित्र पर्ने कालिगण्डकी करिडोरको विभिन्न महत्त्वपुर्ण क्षेत्रमा “प्रविधिसँगै सुरक्षित बुलिङटार, व्यवस्थित यातायात र शान्त समाज निर्माणतर्फ हाम्रो साझा प्रयास।”भन्ने मूल नाराका साथ सडक सुरक्षा, यातायात व्यवस्थापन तथा शान्ति सुरक्षालाई थप प्रभावकारी बनाउने उद्देश्यका साथ पालिकाको केन्द्रस्थित बुलिङटार प्रहरी चौकीमा मोनिटरिङ युनिट रहने गरी विभिन्न पाँच स्थानमा सिसि क्यामेरा जडान कार्य सफलतापूर्वक सम्पन्न गरिएको छ।
यस प्रविधिमैत्री पहलले सार्वजनिक सुरक्षा अभिवृद्धि, दुर्घटना न्यूनीकरण, आपराधिक गतिविधि नियन्त्रण तथा नागरिकमा सुरक्षाको अनुभूति बढाउन महत्वपूर्ण भूमिका खेल्ने विश्वास गाउँपालिकाले लिइएको छ ।
साथै, आगामी आ.व. मा कालिगण्डकी करिडोर अन्तर्गतका अन्य वडा तथा क्षेत्रहरूमा समेत यस कार्यक्रमलाई क्रमिक रूपमा विस्तार गर्दै गाउँपालिकाको शान्ति सुरक्षा र सडक सुरक्षालाई अझ प्रभावकारी ढंगले समन्वय र व्यवस्थापन गरिने जानकारी गर्नु भएको छ।
यस महत्वपूर्ण सिसि क्यामेरा जडान कार्य सम्पन्न गर्न विशेष चासो, सहयोग र समन्वय प्रदान गर्नुहुने गाउँपालिका अध्यक्ष ई. दिपेन्द्र सुनारी ज्यू लगायत सम्पूर्ण जनप्रतिनिधि, कर्मचारी, सुरक्षाकर्मी तथा प्रत्यक्ष–अप्रत्यक्ष रूपमा सहयोग पुर्याउनुहुने सम्पूर्णमा गाउँपालिका परिवार हार्दिक आभार व्यक्त गरिएको छ ।
