दाङ ०३ असार । भाइरल भिडियो प्रकरणमा नयाँ मोड: आरोपित पक्राउ, घटना ३ महिना पुरानो रहेको खुलासा भएको छ ।
सामाजिक सञ्जालमा पछिल्ला दिनहरूमा तीव्र रूपमा भाइरल बनेको एक भिडियो प्रकरणमा नयाँ तथ्य सार्वजनिक भएको छ। भिडियोमा देखिएको घटनामा संलग्न भनिएका व्यक्तिलाई प्रहरीले पक्राउ गरेको जनाएको छ ।
प्रहरी अनुसन्धानका क्रममा उक्त भिडियो हालैको नभई करिब ३ महिना पुरानो रहेको खुलेको छ । भिडियो सार्वजनिक भएसँगै युवतीको अवस्थाबारे व्यापक चासो र चिन्ता व्यक्त गरिएको थियो । तर अनुसन्धानबाट भिडियोमा देखिएकी युवती सुरक्षित रहेको र हाल आफ्नी दिदीसँग बसिरहेको जानकारी प्राप्त भएको छ ।
घटनाबारे सामाजिक सञ्जाल तथा विभिन्न माध्यमबाट सूचना प्रवाह गरी सम्बन्धित निकायको ध्यानाकर्षण गराउन सहयोग गर्ने सबैप्रति धन्यवाद व्यक्त गरिएको छ । समयमै विषय सार्वजनिक भएकाले अनुसन्धानलाई थप सहज बनाउन मद्दत पुगेको बताइएको छ ।
प्रहरीले घटनासम्बन्धी थप तथ्य र कानुनी पक्षबारे अनुसन्धान जारी रहेको जनाएको छ ।
