बुलिङटार ०५ असार । नवलपरासी (बर्दघाट सुस्ता पूर्व) को बुलिङटार गाउँपालिका वडा नं. १, ढाँडबेसी स्थित श्री जन जागृति माध्यमिक विद्यालयले राष्ट्रिय परीक्षा बोर्डद्वारा लिइएको कक्षा १२ को परीक्षामा ऐतिहासिक सफलता हासिल गरेको छ ।

प्राविधिक धारतर्फको वाली विज्ञान (Plant Science) विषयमा विद्यालयको २०८२ को ब्याज (Batch) शत-प्रतिशत (१००%) नतिजाका साथ उत्तीर्ण हुन सफल भएको हो । वि.सं. २०४५ सालमा स्थापना भएको यस सामुदायिक विद्यालयका सम्पूर्ण विद्यार्थीहरू उत्कृष्ट अंक (GPA) सहित उत्तीर्ण भएपछि स्थानीयस्तरमा खुसीयाली छाएको छ ।

निशा खण्डलुक प्रथम, १५ जना उत्कृष्ट सूचीमा सार्वजनिक नतिजा अनुसार वाली विज्ञान सङ्काय तर्फ निशा खण्डलुकले ३.२७ GPA प्राप्त गरी विद्यालयमा प्रथम स्थान हासिल गरेकी छिन् । यस्तै, धनराज डिसुवाले ३.२५ GPA र महेश रेश्मीले ३.२० GPA सहित उत्कृष्ट अङ्क ल्याएका छन् । विद्यालयका अन्य छात्रछात्राहरू जस्मिता डिसुवा (३.१८ GPA), सिपोरा विश्वकर्मा (३.१७ GPA), चिनु गुरुङ (३.१४ GPA), रबिना दर्नाल (३.०५ GPA), अमिक्षा खण्डलुक (२.९७ GPA), तारा प्रसाद सारु (२.९५ GPA), किसोरी सुनारी (२.९० GPA), बिबास आले मगर (२.८९ GPA), खगेन्द्र डिसुवा (२.७२ GPA), कर्ण बहादुर आले (२.७१ GPA), अलीशा खण्डलुक (२.७० GPA), कैलाशपति चौधरी (२.७० GPA) र आयुष गुरुङ (२.५७ GPA) का साथ उत्तीर्ण भएका छन् ।

गाउँपालिकामै प्राविधिक शिक्षातर्फ यो नतिजालाई एउटा उदाहरणीय उपलब्धिको रूपमा हेरिएको छ ।