बुलिङटार १७ असार । डाँडाझेरी गैंडाकोट विकास समाजको प्रशासनिक तथा संस्थागत कार्यलाई सहज बनाउने उद्देश्यले बुलिङटार गाउँपालिका वडा नं -२ ले एक थान कम्प्युटर सेट र टेबल प्रदान गरेको छ ।
बुलिङटार गाउँपालिका वडा नं. २ का वडा अध्यक्ष कमल राज बकाबल मगरको विशेष पहलमा चालू आर्थिक वर्ष २०८२/८३ को विनियोजित बजेटबाट उक्त सामग्रीहरू समाजलाई हस्तान्तरण गरिएको हो ।
गाउँपालिकाको कार्यालयमा आयोजित एक संक्षिप्त कार्यक्रमका बीच गाउँपालिका अध्यक्ष ई. दिपेन्द्र सुनारी मगर, लेखा प्रमुख तथा खरिद प्रमुख सहितको टोलीले संयुक्त रूपमा सो सामग्रीहरू हस्तान्तरण गर्नुभएको थियो । उक्त सहयोग सामग्रीहरू डाँडाझेरी गैंडाकोट विकास समाजका अध्यक्ष दुर्गा बहादुर मसराङ्गी मगर र समाजसेवी टंक आले मगरले ग्रहण गर्नुभएको हो ।
सामग्री ग्रहण गर्दै समाजका अध्यक्ष दुर्गा बहादुर मसराङ्गी मगरले संस्थाको विकास र कार्यालयको दैनिक प्रशासनिक कार्यलाई व्यवस्थित बनाउन यो सहयोग कोशेढुङ्गा सावित हुने बताउनुभयो ।
साथै, उहाँले समाजको आवश्यकतालाई बुझेर सहयोग उपलब्ध गराइदिएकोमा बुलिङटार वडा नं. २ वडा कार्यालय र गाउँपालिका परिवार प्रति हार्दिक आभार सहित धन्यवाद ज्ञापन गर्नुभएको छ।
