भरतपुर अस्पतालमा बिएनएस नर्सिङ तेस्रो वर्षमा (BNS Nursing Third year) अध्ययनरत श्रेष्ठ कसैलाई केही नभनी घरबाट हिँडेकी र हालसम्म पनि परिवारको सम्पर्कमा नआएपछि उनको खोजीका लागि जिल्ला प्रहरी कार्यालय र मातहतका वृत्तहरूमा हुलिया परिपत्र गरिएको छ ।

तनहुँ जिल्लाको बन्दिपुर गाउँपालिका वडा नं. ४ टुँडिखेल स्थायी ठेगाना भएकी श्रेष्ठको स्थायी र अस्थायी दुवै ठेगाना तथा सम्भावित स्थानहरूमा खोजी गर्दा समेत फेला नपरेपछि उनका बुबा कृष्ण कुमार श्रेष्ठले इलाका प्रहरी कार्यालय गैंडाकोटमा हुलिया निवेदन दिएका हुन् ।

प्रहरीले श्रेष्ठ अन्य वडा, क्षेत्र तथा छिमेकी प्रदेश र जिल्लाहरूमा समेत फेला पर्न सक्ने भएकाले व्यापक खोजी कार्य गरिरहेको जनाएको छ ।

उनलाई कतै देख्नुहुने वा फेला पार्नुहुने महानुभावहरूले नजिकैको प्रहरी कार्यालय वा इलाका प्रहरी कार्यालय गैंडाकोटमा सम्पर्क गरिदिनुहुन प्रहरी र परिवारले अपिल गरेका छन् ।