नगरपालिकाद्वारा जारी सूचना अनुसार, आ.व. २०८२/०८३ का योजनाहरूको भुक्तानीका लागि २०८३ असार १० गतेभित्र आवश्यक कागजातहरू कार्यालयमा पेस गर्न समयसीमा तोकिएको थियो ।
उक्त म्यादभित्र र सोपश्चात् पेस भएका कागजातहरू उपर नगरपालिकाका कर्मचारीहरूले असार २५ गते राति १२ बजेसम्म अथक प्रयास गरेका थिए ।
भुक्तानी प्रणालीलाई सुचारु राख्न कर्मचारीहरू रातभर खटिए तापनि ‘सुत्र’ प्रणालीमा आएको प्राविधिक समस्याका कारण केही योजना तथा कार्यक्रमहरूको भुक्तानी हुन नसकेको प्रमुख प्रशासकीय अधिकृत रामचन्द्र लामगाडेले जानकारी दिनुभयो ।
आगामी आर्थिक वर्षमा मात्र भुक्तानी हुने
नगरपालिकाका अनुसार रोकिएका यी योजना तथा कार्यक्रमहरूको भुक्तानी अब आगामी आर्थिक वर्ष २०८३/०८४ को नयाँ खाता सञ्चालन भएपश्चात् मात्र गरिनेछ। प्राविधिक कारणले गर्दा सेवाग्राहीहरूमा पर्न गएको असुविधाप्रति गैँडाकोट नगरपालिकाले क्षमायाचना समेत गरेको छ ।
