बुलिङटार ३२ असार । बुलिङटार गाउँपालिकामा “लोक संस्कृति हाम्रो शान, नवलपुरको पहिचान” भन्ने मूल नाराका साथ राष्ट्रिय लोक तथा दोहोरीगीत प्रतिष्ठान नेपाल, नवलपुरको आयोजकत्वमा नवप्रतिभाको महाभिडन्त ‘नवलपुर लोकतारा’ प्रतियोगिता अन्तर्गत बुलिङटार गाउँपालिकाको स्थानीय प्रतिस्पर्धा आयोजना हुने भएको छ ।
जिल्लाका ८ वटा पालिका तथा गाउँपालिकाहरूमा भिन्नभिन्नै अडिसन गर्ने योजना अनुसार बुलिङटार गाउँपालिकामा यो स्थानीय प्रतिस्पर्धा हुन लागेको हो ।कार्यक्रमको विस्तृत विवरण:
मिति: साउन ०३ गते ।
समय: बिहान ११:०० बजेदेखि
स्थान: बुलिङटार गाउँपालिका परिसर
यस स्थानीय प्रतिस्पर्धाबाट छानिएका उत्कृष्ट प्रतिभाहरूले कावासोतीस्थित प्रतिष्ठानको आफ्नै कार्यालय परिसरमा हुने ‘फाइनल अडिसन’ मा भाग लिन पाउनेछन् ।
पालिका स्तरमा लुकेर रहेका लोक गायन र दोहोरी कला क्षेत्रका नवप्रतिभाहरूलाई उजागर गर्न यो प्रतियोगिता कोशेढुङ्गा सावित हुने आयोजकले विश्वास लिएको छ । गाउँपालिका भित्रका सम्पूर्ण कलाप्रेमी तथा नवप्रतिभाहरूलाई कार्यक्रममा सहभागी भई प्रतियोगितालाई भव्य रूपमा सफल पारिदिनु हुन आयोजकले हार्दिक अनुरोध गरेको छ ।
