चितवन ६ साउन । जिल्ला प्रशासन कार्यालय चितवनमा राष्ट्रिय परिचयपत्रको फोटो खिचाउने र कार्ड लिने सेवाग्राहीहरूको अत्यधिक चाप बढेको छ ।
चालु आर्थिक वर्षको सुरुवातदेखि नै सेवाग्राहीको भीड नियन्त्रणभन्दा बाहिर जान थालेपछि प्रशासनले सेवा प्रवाहको समय बढाउने लगायतका महत्वपूर्ण निर्णयहरू गरेको छ। कार्यालयले बुधबार एक जरुरी सूचना जारी गर्दै भोलि साउन ७ गतेदेखि लागू हुने गरी नयाँ व्यवस्थापन मिलाइएको जानकारी दिएको हो । बिहान ८ देखि साँझ ७ बजेसम्म फोटो खिचाउन पाइनेसेवाग्राहीको चापलाई मध्यनजर गर्दै प्रशासनले बिहान ८:०० बजेदेखि साँझ ७:०० बजेसम्म सेवा प्रवाह गर्ने निर्णय गरेको छ ।
यस विस्तारित समयमा दैनिक करिब ७५० जनासम्मलाई सेवा दिने लक्ष्य राखिएको छ । प्रशासनले कामलाई व्यवस्थित बनाउन टोकन प्रणाली लागू गरेको र सेवाग्राहीलाई धैर्यतापूर्वक आफ्नो पालो पर्खिन अनुरोध गरेको छ । कार्ड वितरण कार्य केही दिनका लागि बन्दविगतमा परिचयपत्र नम्बर प्राप्त गरिसकेका सेवाग्राहीहरूलाई प्रशासनले तत्काल कार्यालय नआउन आग्रह गरेको छ । नम्बर प्राप्त भइसकेकाहरूको सबै काम सोही नम्बरका आधारमा हुने भएकाले भीडभाड कम गर्न केही दिनका लागि जिल्ला प्रशासन कार्यालयबाट कार्ड वितरण गर्ने कार्य पूर्ण रूपमा स्थगित गरिएको सूचनामा उल्लेख छ । सिस्टम अपग्रेडका कारण ‘अप्रुभल’ मा ढिलाइराष्ट्रिय परिचयपत्रका लागि फोटो खिचाएका (Enrollment गरेका) नागरिकहरूको नम्बर आउने र विभागबाट सिस्टम अपग्रेड भइरहेका कारण ‘Approve’ हुन केही ढिलाइ भइरहेको प्रशासनले स्वीकार गरेको छ । विवरणहरू क्रमिक रूपमा स्वीकृत (Approve) हुँदै जाने भएकाले यसै प्रयोजनका लागि मात्रै जिल्ला प्रशासन कार्यालयमा धाइरहनु नपर्ने सहायक प्रमुख जिल्ला अधिकारी चूूडामणि शर्मा गौतमद्वारा हस्ताक्षरित सूचनामा स्पष्ट पारिएको छ ।
