नवलपरसी ७ साउन । नवलपरासी (बर्दघाट सुस्ता पूर्व) को जिल्ला प्रशासन कार्यालयले राष्ट्रिय परिचयपत्र वितरण र फोटो खिच्ने (Enrollment) कार्यका लागि नयाँ व्यवस्था लागू गरेको छ ।
चालू आर्थिक वर्षको सुरुवाती दिनदेखि नै सेवाग्राहीको अत्यधिक चाप बढेकाले साउन ११ गतेदेखि लागू हुने गरी निम्न निर्णयहरू गरिएको छ:सेवा प्रवाहको समय थपसेवाग्राहीको उच्च चापलाई मध्यनजर गर्दै साउन ११ गतेदेखि बिहान ८:०० बजेदेखि साँझ ६:०० बजेसम्म सेवा प्रदान गरिने व्यवस्था मिलाइएको छ ।
कार्यालयले टोकन प्रणाली अनुसार आफ्नो पालो पर्खिएर धैर्यपूर्वक फोटो खिचाउन र सर्भर प्रणालीमा आउने प्राविधिक समस्याका कारण ढिलाइ हुन सक्ने भएकाले सहयोग गर्न अनुरोध गरेको छ ।
परिचयपत्र वितरण स्थगनविगतमा परिचयपत्र नम्बर प्राप्त गरिसकेका सेवाग्राहीहरूका हकमा उक्त नम्बरको आधारमा सबै काम हुने भएकाले केही दिनका लागि जिल्ला प्रशासन कार्यालयबाट कार्ड वितरण गर्ने कार्य नगरिने जानकारी दिइएको छ ।
प्रणाली स्तरोन्नति र स्वीकृतिको विवरणराष्ट्रिय परिचयपत्रका लागि फोटो खिचाएपछि नम्बर आउने र विभागबाट सिस्टम अपग्रेडको कार्य भइरहेकाले विवरण स्वीकृति (Approve) हुन केही ढिलाइ भएको छ । विवरणहरू क्रमश: स्वीकृत हुँदै जाने भएकाले उक्त प्रयोजनका लागि सेवाग्राहीहरूलाई जिल्ला प्रशासन कार्यालयमा धाइरहनु नपर्ने कार्यालयले प्रष्ट पारेको छ ।सहायक प्रमुख जिल्ला अधिकारी चिरन्जिवी रानाद्वारा हस्ताक्षरित यो सूचना साउन ७ गते बिहीबार जारी गरिएको हो ।
