हुपसेकोट ३१ साउन । नवलपुरको हुप्सेकोट गाउँपालिकाले पालिकाबाटै मालपोत तथा नापी कार्यालयको सेवा दिन सुरु गरेर यो सेवा सुरु गर्ने गण्डकी प्रदेशकै पहिलो पालिका बनेको छ ।
मालपोत तथा नापीबाट लिनुपर्ने सेवा पालिकाबाटै दिन सुरु गरिए पछि अब स्थानिय सर्वसाधारणलाई सदरमुकाम कावासोती धाउनु पर्ने शास्ती हट्ने भएको छ ।
यो सगैं हुप्सेकोट गाउँपालिका, पालिकामानै मालपोत तथा नापी कार्यालयको सेवा प्रवाह गर्ने गण्डकी प्रदेशमा नै पहिलो र देशैभरमा १०औं स्थानिय पालिका समेत बनेको छ ।
आइतबार मालपोत तथा नापी सेवा सुभारम्भ गर्दै अव पालिकामै घर जग्गा रजिष्ट्रेशन पास, अंशवण्डा, नामसारी, धितो रोक्का, धितो फुकुवा लगायतका काम र नापीमा हुने कित्ताकाट लगायतका सेवा समेत पालिकाबाटै लिन सकिने हुप्सेकोट गाउँपालिका अध्यक्ष लक्ष्मी पाण्डेले बताउनुभयो ।
शुभारम्भ कार्यक्रममा जिल्ला समन्वय समिति नवलपुरका प्रमुख बाबुराम विश्वकर्माको प्रमुख आतिथ्यता रहेको थियो ।
त्यस्तै कार्यक्रममा नवलपुरका प्रमुख जिल्ला अधिकारी जगदिश्वर उपाध्याय, नापी कार्यालय प्रमुख पूर्णहरी सुवेदी, भुमी प्रशासन कार्यालय कावासोतीका निमित्त प्रमुख घनश्याम गाहा, जिल्ला प्रहरी कार्यालयका प्रमुख एस.पि. युवराज खड्का, शसस्त्र प्रहरी प्रमुख डि.एस.पि. संजीव पाण्डे लगायतको विषेश आतिथ्यता रहेको थियो ।
त्यस्तै कार्यक्रममा पालिकाका उपप्रमुख पूर्ण सिं रानामगर, पालिकाको निवर्तमान उपाध्यक्ष स्वतन्त्र कोपिला मल्ल, पालिकाको प्रमुख प्रशासकीय अधिकृत वेदहरि अधिकारी, नापी अधिकृत विकास सापकोटा, गाउँपालिकाका वडा अध्यक्षहरू कृष्ण बहादुर थापा (वडा नं. २), विष्णु राना मगर (वडा नं. ३), महेन्द्र पाण्डे (वडा नं. ४) लगायत स्थानिय एवं सरोकारवालाहरुको विषेश उपस्थिति रहेको थियो ।
