गैँडाकोट, ६ भदौ । नवलपुरको गैँडाकोट नगरपालिका–३ महेशखोला नजिकै कालीगण्डकी करिडोरमा मोटरसाइकल दुर्घटना हुँदा चालकको मृत्यु भएको छ ।
बुलिङटारबाट ढोडेनीतर्फ आउँदै गरेको ना.२९ प ६७०७ नम्बरको मोटरसाइकल उकालो सडकमा नियन्त्रण गुमाएर दुर्घटना भएको हो ।
दुर्घटनामा परि बुलिङटार-१ देउडा घर भई हाल गैँडाकोट-३ ढोडेनीस्थित मामाघर बस्दै आएका अन्दाजी ४०/४२ वर्षीय हिराबहादुर सारुको निधन भएको प्रहरीले जनाएको छ।
दुर्घटनामा सारुको अनुहारमा गम्भीर चोट लागेको थियो। उनलाई उपचारका लागि चितवनको भरतपुर सरकारी अस्पताल पठाइएको थियो ।
उपचारकै क्रममा चिकित्सकले दिउँसो ३ः४५ बजे उनलाई मृत घोषणा गरेका हुन् ।
प्रहरीका अनुसार दुर्घटनाग्रस्त मोटरसाइकल हाल घटनास्थलमै रहेको छ र घटनाबारे थप अनुसन्धान भइरहेको छ ।
