बुलिङटार १८ भदौ । बुलिङटार गाउँपालिका स्वास्थ्य शाखाको आयोजनामा बुलिङटार गाउँपालिका–१ थामबेसीस्थित कोटथर स्वास्थ्य चौकीमा न्यूनतम सेवा मापदण्ड (Minimum Service Standards–MSS) कार्यान्वयन तथा प्रगति समीक्षा कार्यक्रम सम्पन्न भएको छ ।
स्वास्थ्य संस्थाबाट प्रवाह हुँदै आएका सेवाहरूलाई थप प्रभावकारी, गुणस्तरीय र व्यवस्थित बनाउने उद्देश्यले आयोजित कार्यक्रममा स्वास्थ्य चौकीको वर्तमान अवस्था, उपलब्ध स्वास्थ्य सेवा, भौतिक पूर्वाधार, जनशक्ति तथा सेवा प्रवाहको गुणस्तरलगायतका सूचकका आधारमा मूल्याङ्कन तथा प्रगति समीक्षा गरिएको थियो ।
कार्यक्रममा मूल्याङ्कनबाट देखिएका सबल पक्षलाई निरन्तरता दिँदै सुधार गर्नुपर्ने क्षेत्रमा आवश्यक पहल गर्ने तथा आगामी दिनमा स्वास्थ्य सेवालाई थप गुणस्तरीय र नागरिकमैत्री बनाउने प्रतिबद्धता व्यक्त गरिएको थियो ।

स्थानीय नागरिकलाई सहज, प्रभावकारी र गुणस्तरीय स्वास्थ्य सेवा उपलब्ध गराउन स्वास्थ्य संस्था, स्वास्थ्यकर्मी, जनप्रतिनिधि तथा सरोकारवालाबीचको सहकार्यलाई थप प्रभावकारी बनाउनेमा समेत जोड दिइएको छ ।