बुलिङटार, १३ असोज । नवलपुर जिल्लाको बुलिङटार गाउँपालिका वडा नं. २, डाँडाझेरी, भाङबारी टोल निवासी तिल नारायण श्रेष्ठको घर अविरल वर्षाका कारण आएको बाढीपहिरोले पुरिएर पूर्ण रूपमा क्षति भएको छ ।
पीडित तिल नारायण श्रेष्ठ डाँडाझेरी गैंडाकोट विकास समाजका संस्थापक सदस्य रूप नारायण श्रेष्ठका दाजु हुनुहुन्छ ।
विपद्को यस घडीमा डाँडाझेरी गैंडाकोट विकास समाजले पीडित परिवारलाई तत्काल राहत उपलब्ध गराएको छ । समाजका अध्यक्ष दुर्गा बहादुर मसराङ्गी मगर, सल्लाहकार सर्वजीत गाहा मगर, पूर्व उपाध्यक्ष भिम बहादुर सारू मगर र सदस्य टंक प्रसाद सिंजाली मगरसहितको टोलीले घटनास्थलको स्थलगत अवलोकन गरेको थियो ।
टोलीले स्थानीय बासिन्दाहरूको रोहबरमा पीडित परिवारलाई तत्काल गुजाराका लागि अति आवश्यक खाद्य सामग्रीहरू (चामल, दाल, नुन, तेल, आलु, प्याज, चिनी) का साथै नगद रु १०,०००।- (अक्षरेपि दश हजार रुपैयाँ) हस्तान्तरण गरेको छ ।
घरबारविहीन भएको यस कठिन परिस्थितिमा श्रेष्ठ परिवारको थप पुनस्र्थापना र सहयोगका लागि समाजले विभिन्न संघ-संस्था, बुद्धिजीवी तथा सहयोगी मनहरूसमक्ष सहयोगको हार्दिक अपिल समेत गरेको छ।
