चितवन २५ साउन । आज सम्म चितवनको विभिन्न अस्पतालमा २४२ जना कोरोना संक्रमित बिरामीको उपचार भइरहेको छ ।
भरतपुर अस्पतालमा मात्र ९९ जनाको उपचार,चितवन मेडिकल कलेजमा ७४, पुरानो मेडिकल कलेजमा २२, क्यान्सर अस्पतालमा ९ र अन्य अस्पतालहरुमा ३८ जना कोरोना संक्रमितको उपचार भइरहेको स्वास्थ्य कार्यालय चितवनले जनाएको छ ।
पछिल्लो २४ घन्टामा चितवनका अस्पतालमा १ जना संक्रमितको मृत्यु भएको छ । चितवन मेडिकल कलेजमा १ जना संक्रमितको उपचारको क्रममा मृत्यु भएको हो । पछिल्लो २४ घन्टामा चितवनका विभिन्न अस्पतालबाट ४६ जना संक्रमित निको भएर घर फर्केका छन् । चितवनका अस्पतालमा ३७ जना भेन्टिलेटरमा, ९७ जना आइसियूमा, ५२ जनाको एचडियुमा उपचार भइरहेको छ ।
