- धन बहादुर सिंजाली
- चितवन १९ भदौ ।
चितवन जिल्ला प्रशासन कार्यालयले चार महिना देखि लगाउँदै आएको निषेधाज्ञा सिनेमा हल र धार्मिक स्थलहरुमा बाहेक हटाएको छ।
चितवनका प्रमुख जिल्ला अधिकारी प्रेमलाल लामिछानेले शनिबार जारी गरेको आदेशमा सिनेमा हल , मठ ,मन्दिर ,मस्जिद ,चर्च लगायतका धार्मिक स्थलबाहेकमा स्वास्थ्य मापदण्ड अपनाएर संचालन गर्न पाउने जनाइएको छ । नेपाल सरकारबाट निर्धारित जनस्वास्थ्यका मापदण्ड पूरा गरेर भौतिक रुपमा उपस्थित भइ गरिने सभा ,सम्मेलन गोष्ठी साधारणसभा जस्ता कार्यहरु गर्न पाइने छ।जिल्लामा रहेका शैक्षिक संस्थाहरुको हकमा बिधालय ब्यबस्थापन समितीको सिफारिसको आधारमा जिल्ला कोभिड(१९ ब्यबस्थापन समिती संग समन्य गरि संचालन गर्न सकिने आदेशमा उल्लेख गरिएको छ।
