काठमाडौं । राजेन्द्र लिङ्देन नेतृत्वको राप्रपा अन्तत: नेकपा माओवादी केन्द्रका अध्यक्ष प्रचण्डको लाइनमा उभिएको छ । राष्ट्रिय प्रजातन्त्र पार्टीले शासकीय स्वरूप र निर्वाचन प्रणालीमा सुधारको गर्दै प्रत्यक्ष कार्यकारीको एजेन्डा अघि सारेको हो ।
नेकपाका अध्यक्षसमेत रहेका प्रचण्डले प्रत्यक्ष कार्यकारी रास्ट्रपति या प्रधानमन्त्री हुनुपर्ने एजेन्डा पटक पटक उठाइरहेको बेला लिङ्देन र प्रचण्डको एजेन्डा ठ्याक्कै मिलेको छ । लिङ्देनले बिहीबार धुलिखेलमा सम्पन्न केन्द्रीय कार्यसम्पादन समितिको बैठकले प्रत्यक्ष निर्वाचित प्रधानमन्त्री र राजा रहने गरी शासकीय स्वरूप परिवर्तनको माग गरेका थिए ।
भ्रष्टाचार र अस्थिरताको अन्त्यका लागि वर्तमान शासकीय स्वरूप र निर्वाचन प्रणालीमा सुधार गरी पूर्ण समानुपातिक संसद, जनताले प्रत्यक्ष निर्वाचित गर्ने कार्यकारी प्रधानमन्त्री र अभिभावकीय संस्थाका रूपमा राजा रहने व्यवस्था माग गरेका छौं’, राप्रपाका अध्यक्ष राजेन्द्र लिङ्देनले भनेका छन् ।
राप्रपाले संघ र प्रदेशको चुनावमा लोकप्रिय उम्मेदवार छनौट गर्न पार्टी भित्र र बाहिरबाटसमेत उम्मेदवारीका लागि सार्वजनिक आह्वान गर्ने निर्णयसमेत गरेको छ ।
