खुरसेद हजाम
नवलपरासी । पश्चिम नवलपरासीको प्रतापपुर गाउँपालिकाले पुर्ण खाेप सुनिश्चितता घाेषणा समाराेह कार्यक्रम सम्पन्न गरेको छ । पालिका स्तरीय पुर्ण खाेप समन्वय समिति प्रतापपुर गाउँपालिकाकाे आयाेजना पुर्ण खाेप सुनिश्चितता घाेषणा समाराेह कार्यक्रम सम्पन्न भएको हाे ।
हामी सबैको सार्थक प्रयास पश्चात् प्रतापपुरकाे समग्र भन्ने मुल नाराका साथ पुर्ण खाेप सुरक्षित भविष्य काेविड – १९ विरुद्ध तथा नियमित खाेप पुर्ण खाेप सुनिश्चितता प्रतापपुर गाउँपालिकाले आज एक समारोहका बिज घाेषणा गरेको हाे । प्रतापपुर गाउँपालिका अध्यक्ष उमेश चन्द्र यादवकाे अध्यक्षता तथा जिल्ला समन्वय समिति नवलपरासीका अध्यक्ष भगाैती यादवको प्रमुख अतिथतामा सम्पन्न भएको कार्यक्रममा प्रमुख अतिथि भगाैति यादवले प्रतापपुर गाउँपालिकाले जिल्लामै एक उदाहरणीय काम गरेको बताउनुभयो । उहाँले गाउँपालिकाले आफ्नो पालिका बासीहरुकाे सुरक्षाका निम्ति समयमै काेविड – १९ विरुद्ध खाेप लगाई पालिकावासीहरुकाे सुरक्षा मात्र हाेईन जान जाेगाएर भविष्य समेत उज्ज्वल बनाएको भन्दै धन्यवाद ज्ञापन गर्दै खुसी ब्यक्त गर्नुभएको थियो ।
गाउँपालिका अध्यक्ष यादवले आफ्नो गाउँपालिका बासीहरुकाे सुख दुखमा सधै साथ सहयोग गर्ने बताउनुभएको थियोे । साे समारोह कार्यक्रममा जिल्ला समन्वय समिति उपप्रमुख, जिल्ला प्रहरी कार्यलय लगाएका स्थानीय बासीहरुकाे सहभागीता रहेको थियो ।
