काठमाडौं, असार २३ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रस्तुत गरेको राजनीतिक प्रतिवेदन सर्वसम्मतिले पारित भएको छ । बिहीबार बसेको केन्द्रीय समिति बैठकले उक्त प्रतिवेदन प्रस्ताव पारित गरेको हो।

बैठकको पहिलो दिन गत सोमबारको केन्द्रीय समिति बैठकमा अध्यक्ष प्रचण्डले सो पेस गरेका थिए। बैठकको पहिलो दिन प्रदेश अध्यक्ष र दोस्रो दिन केन्द्रीय सदस्यहरूले प्रतिवेदनमाथि विभन्न प्रश्न उठाएका थिए।

आजको बैठकमा प्रचण्डले उठेका प्रश्नहरूको जवाफ दिएका थिए। उनले जवाफ दिएलगत्तै सो प्रतिवेदन सर्वसम्मतिले पारित भएको हो।