काठमाडौं । प्रतिनिधिसभाकी नवनिर्वाचित उपसभामुख पुष्पा भुसालले सपथ लिएकी छन् ।
राष्टपतिको कार्यालय शीतल निवासमा आयोजित विशेष समारोहबीच सभामुख अग्निप्रसाद सापकोटाले भुसाललाई पद तथा गोपनीयताको सपथ गराएका हुन् ।
सपथग्रहण समारोहमा राष्ट्रपति विद्यादेवी भण्डारी, उपराष्ट्रपति नन्दबहादुर पुन, राष्ट्रियसभा अध्यक्ष गणेश प्रसाद तिमिल्सिना, प्रधानमन्त्री शेरबहादुर देउवालगायत शीर्ष नेताहरुको उपस्थिति थियो ।
गत शुक्रबार भएको निर्वाचनमा एमालेकी विद्या भट्टराईलाई पराजित गर्दै कांग्रेसकी भुसाल उपसभामुखमा निर्वाचित भएकी हुन् ।
