काठमाडौं, साउन ३ । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ र पूर्वप्रधानमन्त्री बाबुराम भट्टराईबीच सिंहदरबारमा भेटवार्ता भएको छ ।
माओवादी संसदीय दलको कार्यालयमा उनीहरू दुई जनाबीच छलफल जारी रहेको छ । भट्टराईलाई केही दिनअघि मात्रै जनता समाजवादी पार्टी (जसपा) नेपालका अध्यक्ष उपेन्द्र यादवले कारबाही गरेका थिए । समाजवादी केन्द्र बनाउने विषयमा छलफल भइरहेको स्रोतको भनाइ छ ।
आजै नेकपा (एकीकृत समाजवादी) का अध्यक्ष माधवकुमार नेपाल, सम्मानित नेता झलनाथ खनाल र राष्ट्रिय सभा सदस्य वामदेव गौतमबीच यस विषयमा छलफल गर्ने तय भएको स्रोतले जनाएको छ ।
