काठमाडौ । नेकपा एमालेका अध्यक्ष केपी ओली फेरि बर्बराउन थालेको छ । उनले कांग्रेसलाई एमालेको नारा चोरेको आरोप लागेको छ । उनले अन्य राजनीतिक दलले दुई दशकमा गर्न नसकेको काम एमालेले तीन वर्षमा गरेकाे दाबीसमेत गरेका छन्।
राष्ट्रिय युवा संघ नेपाल केन्द्रीय कमिटीको बैठक तथा प्रशिक्षण समारोहको उद्घाटन सत्रमा उनले यस्तो बताएका हुन् । एमालेले समृद्ध नेपाल सुखी नेपाली, आफ्नो गाउँ आफैं बनाउँजस्ता लोकप्रिय नारा र कार्यक्रम अघि सारेपछि कांग्रेसले यस्तै प्रकारका नारा ल्याएर जनता झुक्याएकाे ओलीकाे आरोप छ।
‘नेपाली कांग्रेस र अन्य दलले दुई दशकसम्म गर्न नसकेकाे काम एमालले तीन वर्षमा गरेर देखायाैं । कांग्रेसले २० वर्षसम्म कुनै नयाँ योजना र विचार ल्याउन सकेन,’ ओलीले भने,’एमालेले अघि सारेका विभिन्न नारा र कार्यक्रमलाई कांग्रेसले चोरेर, हाँगाबिगा बटारेर, प्रयोग गरेर जनता झुक्याएर राजनीति गरेको उनले भने ।
त्यस क्रममा ओलीले आगामी निर्वाचनमा स्थानीय तहको निर्वाचनमा जस्तो कमजोरी नगर्न कार्यकर्तालाई सचेत गराएका छन्। उनले आगामी निर्वाचनमा राष्ट्रिय युवा संघ अझै सशक्त भएर लाग्नुपर्ने बताए। युवा संघका नेता टोल-टोलमा पुगेर संगठन निर्माण गर्नसमेत उनले निर्देशन दिए। ओलीले युवाहरूले पार्टी या संगठनमा पदलाई सहायक रूपमा राख्दै कामलाई प्राथमिकतामा राखेर अगाडि बढ्नसमेत आग्रह गरे।
