नयाँ दिल्ली । बिहारका मुख्यमन्त्री नितीश कुमारले मंगलबार मुख्यमन्त्री पदबाट राजीनामा दिएका छन् । उनले भारतीय जनता पार्टीसँगको गठबन्धन तोड्दै बिहारको मुख्यमन्त्रीको पदबाट राजीनामा दिएका हुन्।
यसअघि उनले जनता दल युनाइटेडका सबै सांसदहरुसँग भाजपासँग सम्बन्ध तोडेकोबारे बैठक गरेका थिए । नितीशकुमारलाई समर्थन गरेका सबै संसद सदस्य र विधान सभा सदस्यहरुले आफ्नो समर्थन कायम रहेको बताएका छन् । नितीशकुमारले चाँडै अर्को गठबन्धनबाट आफूले नै मुख्यमन्त्रीको दाबी गर्ने बताएका छन्।
