काठमाडौं । नेकपा (माओवादी केन्द्र) निकट विद्यार्थी संगठन अखिल क्रान्तिकारीले राष्ट्रपति विद्यादेवी भण्डारीविरुद्ध प्रदर्शन गरेको छ ।
बुधबार काठमाडौंको प्रदर्शनीमार्गस्थित रत्नराज्यलक्ष्मी क्याम्पस अगाडि अखिल क्रान्तिकारीका विद्यार्थीहरूले राष्ट्रपतिविरुद्ध प्रदर्शन गरेका हुन् ।
प्रदर्शनका क्रममा उनीहरूले राष्ट्रपति भण्डारीको पुतला पनि जलाए । नागरिकता विधेयक प्रमाणीकरण नगरेको विरोधमा उनीहरूले राष्ट्रपति भण्डारीविरुद्ध प्रदर्शन गरेका हुन् ।
