चितवन ८ कार्तिक । चितवनको रत्ननगर स्थित मोटरसाइकलको सर्भिस सेन्टरमा आगलागी भएको छ । रत्ननगर १ सौराहाचोकमा रहेको न्यू कालिका आटो पार्टस र कालिका मोटरसाइकल पार्टसको सयुक्त सर्भिस सेन्टरमा आज विहान साढे तीन आगलागी भएको हो ।
आगलागीबाट १६ वटा नयाँ र १४ वटा पुराना मोटरसाइकल जलेर क्षति भएको छ । सर्भिर सेन्टरका रहेको मोटर साइकलको पार्टस, कम्प्युटर, ल्यापटप, मर्मतका उपकरण तथा नगद सात लाख रुपैया जलेर नष्ट भएको संचालक उत्तम अधिकारीले जानकारी दिए ।
आगलागीबाट साढे दुई करोड बराबरको धनमाल क्षति भएको अधिकारीले जानकारी दिए । खैरहनी नगरपालिका र भरतपुर महानगरपालिकाको दमकलले विहान ६ बजे आगो नियन्त्रणमा लिएको प्रहरीले जानएको छ । विद्युत् सर्ट भएर आगलागी भएको हो ।
