कपिलवस्तु । कपिलवस्तु जिल्लाको क्षेत्र नं ३ को कृष्णनगर बजारमा शनिबार जनता प्रगतिशील पार्टीको वृहत चुनावी आमसभा सम्पन्न भएको छ ।
सभामा बोल्दै प्रतिनिधि सभा उम्मेदवार पूर्व मन्त्री ईश्वर दयाल मिश्र (बिरेंद्र मिश्र) ले क्षेत्रको जनताले परिवर्तन चाहेको बताउदै आफूले जनताको सुख दुखमा सधै साथ दिएको तथा आफू यस क्षेत्रमा आफनै पहलमा करोडौँ रूपयाको विकास योजना ल्याई जनतालाई विकासको अनुभूति समेत गराएको बताउदै यस पाली जनताले कोदालो बोकेको किसान छापमा मतदान गरि आफूलाई भारी बहुमतले विजयी बनाउने तथा आफू र आफ्नो पार्टीले किसानको हितमा काम गरि कृषिमा होइन किसानमा लगानी गरेर मात्र किसानलाई फाइदा हुने भै देशको समृद्धि हुने बताए ।
सभालाई सम्बोधन गर्दै कपिलवस्तु जिल्लाको क्षेत्र नं ३(२) जनता प्रगतिशील पार्टी प्रदेश सभा सदस्य उम्मेदवार मिर्जा राशिद बेगले यहांँका जनप्रतिनिधि पटक पटक जित्दा समेत क्षेत्रमा जन अपेक्षा अनुसार विकास हुन नसकेको तथा यस क्षेत्रका किसान अझै पिडित रहेको तथा अब जनता प्रगतिशील पार्टीलाई विजयी बनाई किसान, युवा, महिला लगायतको अधिकार सुनिश्चित गर्न अपिल गर्दै आफू र मिश्रले यस क्षेत्रमा विकासमा योगदान गर्दै आएको तथा अगामी दिनमासमेत यस क्षेत्रलाई सुखि र समृद्ध बनाउने दृढ़ता रहेको बताए l
कार्यक्रममा जनता प्रगतिशील पार्टीका राष्ट्रिय उपाध्यक्ष फरहान अकबाल खां लगायत जिल्ला कमिटी, क्षेत्र कमिटी, नगर कमिटी वडा कमिटीका पदाधिकारी पार्टी समर्थक, पार्टी सुभचिंतक स्थानीय लगायत बहुसंख्यक उपस्थित रहेको थियो ।
