काठमाडौं २७ कार्तिक । नेपालमा कोरोना संक्रमितहरुको संख्या फेरि बढ्न थालेका छन् ।
पछिल्लो २४ घण्टामा मुलुकभर एकै दिन थप १५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार ९८५ जनाको आरटी पीसीआर र एन्टिजेन विधिबाट परीक्षण गर्दा थप १५ जनामा कोरोना संक्रमण पुष्टि भएको हो । मन्त्रालयका अनुसार ७ सय ६४ जनाको पीसीआर विधिबाट परीक्षण गर्दा १४ जनामा कोरोना पुष्टि भएको छ । त्यस्तै १ हजार २२१ जनाको एन्टिजेन विधिबाट परीक्षण गर्दा १ जनामा कोरोना देखिएको छ ।
योसँगै नेपालमा कोरोना संक्रमितको कुल संख्या ११ लाख ५३ हजार पुगेको छ । योसँगै नेपालमा सक्रिय कोरोना संक्रमितहरुको संख्या ५ सय नाघेको छ । मन्त्रालयका अनुसार हाल नेपालमा ५ सय १४ जना कोरोनाका सक्रिय संक्रमितहरु विभिन्न आइसोलेशनमा उपचाररत छन् । त्यस्तै नेपालमा कोरोनाका कारण ज्यान गुमाउनेको संख्या १२ हजार १९ पुगेका छन् । त्यस्तै, पछिल्लो २४ घण्टामा नेपालमा थप ३० जना संक्रमितहरु निको भएका छन् । योसँगै नेपालमा कोरोना संक्रमणमुक्त हुनेहरुको कुल संख्या ९ लाख ८८ हजार २७३ पुगेका छन् ।
