काठमाडौँ, मंसिर ११ । नेकपा एमालेका अध्यक्ष केपी शर्मा ओली र नेपाली कांग्रेसका नेता प्रकाशमान सिंहबीच भेटवार्ता भएको छ । कांग्रेस नेता सिंह ओलीलाई भेट्न आइतबार भक्तपुरको बालकोटस्थित ओली निवास पुगेका हुन् ।

भेटमा दुवै नेताले एकअर्कालाई बधाई ज्ञापन गरेको र समसामयिक राजनीतिक विषयहरू छलफल गरेको नेता सिंहका स्वकीय सचिव युपी लामिछानेले बताए । ‘बालकोटमा भेटघाट भएको हो । बधाई साटासाट गर्नुभयो,’ उनले भने, ‘नेताहरुका बीचमा भेट हुँदा राजनीतिक कुराकानी त भइहाल्छ ।’

ओली झापा–५ बाट छैटौँ पटक प्रतिनिधिसभा सदस्यमा निर्वाचित भएका छन् भने सिंह काठमाडौं–१ बाट चौथोपटक निर्वाचित भएका छन् ।