रुपन्देही । लागुऔषध ब्राउन सुगर मुद्दामा पाँच वर्ष कैद फैसला भई पाँच बर्षदेखी फरार रहेका ब्यक्ति पक्राउ परेका छन । पक्राउ पर्ने प्रतिबादी जिल्ला रुपन्देही कञ्चन गाँउपालिका – ४ वस्ने वर्ष २६ को नारायण बस्याल रहेको प्रहरीले जानकारी दिएको छ ।
उनलाई सम्मानित जिल्ला अदालत रुपन्देहीले रु.१०,०००/- जरिवाना भई छुटेकोमा सम्मानित उच्च अदालत बुटवल तुल्सीपुर दाङको मिति २०७४ भाद्र २१ गतेको फैसलाले ५ बर्ष कैद र रू.५००० जरिवाना हुने ठहरेको थियो । उनी फैसला मितिदेखिनै फरार रहेको थियो ।
बस्याललाई शनिबार ईलाका प्रहरी कार्यालय सालझण्डीबाट प्रहरी निरीक्षक जगन्नाथ मरासिनीसहितको टोली खटिई गई खोजतलास गर्दा निजकै घर ठेगानामा फेला पारी पक्राउ गरी फैसला कार्यान्वयनका लागी सम्मानित जिल्ला अदालत रुपन्देहीमा पेश गरिएकोमा अदालतको आदेशले कारागार चलान गरेको छ ।
