कावासोती, पुष ०४ । जिल्ला प्रहरी कार्यालय पुर्वी नवलपरासीद्वारा सोमबार कावासोती नगरपालिका – ३ स्थित शहिद स्मृती माध्यामिक बिद्यालयका ६० जना बिद्यार्थी भाई बहिनीहरुलाई बिद्यार्थीसंग प्रहरी कार्यक्रम सम्पन्न गरेको छ ।
सो कार्यक्रममा विद्यार्थी भाई बहिनिहरुलाई लागुऔषध दुर्व्यसनीबाट बच्ने उपाय र सेवनबाट हुने बेफाइदा र टोल समाजमा लागुऔषध सेवनले वर्तमान अवस्था असर सम्बन्धी प्रशिक्षण गरिएको हो ।
बिद्यालयका विद्यार्थी भाइ बहिनीहरुलाई जिल्ला प्रहरी कार्यालय पुर्वी नवलपरासी कार्यालयमा रहेका अपराध अनुसन्धान, कारवाही, निवेदन, उजुरी, महिला बालबालिका, जेष्ठ नागरिक सेवा केन्द्र प्रहरी कन्ट्रोल तथा CRS शाखाहरुकोसमेत अवलोकन गराई प्रहरीले गर्ने दैनिक काम कारबाही एवं कार्य प्रणालीको वारेमासमेत जानकारी गराउनु भएको थियो ।
विद्यार्थी भाई बहिनिहरुका जिज्ञासालाई कार्यालयका प्रहरी निरीक्षक साजन कुमार शर्माबाट सम्बोधन गरी कार्यक्रम सम्पन्न भएको थियो । साथै, थप जानकारी आवश्यक परेमा जिल्ला प्रहरी कार्यालय पुर्वी नवलपरासीका सूचना अधिकारी प्र.नि. साजन कुमार शर्माको मोवाईल नम्बर ९८५७०८७५५५ मा सम्पर्क गर्न हुन समेत अनुरोध गरिएको छ ।
