चितवन २४ । जिल्ला प्रशासन कार्यालय चितवनले बिहीबार अत्यन्त जरूरी सूचना जारी गर्दै अत्यधिक तापक्रमबाट सतर्कता अपनाउन सर्वसाधारणलाई आग्रह गरेको छ ।
जल तथा मौसम विभाग, मौसम पूर्वानुमान महाशाखाद्वारा विगत केही दिनदेखि देशका अधिकांश भूभागहरुमा क्रमिकरुपमा तापक्रम वृद्धि भइरहेको र आगमी केही दिनसम्म देशभर तराईका भूभागहरुमा तातो हावा (लू) लाग्ने सम्भावना सम्भावना रहेको बुलेटिन प्रकाशन गरेकोले सोबाट बच्न आवश्यक सतर्कता अपनाउन आग्रह गरेको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणको पत्रअनुसार अत्यधिक गर्मीबाट बच्न आवश्यक सतर्कता अपनाउन आग्रह गरिएको प्रशासनले जारी गरेको सूचनामा उल्लेख गरिएको छ ।
