साउन ३१ गैंडाकोट। जनताको सहारा संस्था नवलपुर शाखाले गैँडाकोट नगरपालिका वडा नम्बर ३ भुजेल गाउँ स्थित श्री जुना पूर्व प्राथमिक विद्यालयका बालबालिकालाई शैक्षिक सामग्री वितरण गरिएको छ ।
जनताको सहारा संस्थामार्फत करिब ३६ जना बालबालिकालाई झोला, कपि, सिसाकलम, सपनर, कटर वितरण गरिएको हो । केन्द्रीय कार्यालय भरतपुरमा रहेको जनताको साहारा संस्था असहाय पुरुष, महिला तथा बालबालिकाहरुलाई संरक्षण गर्दै, मानव अधिकार प्राप्तिका लागि पहल गर्ने गैर सरकारी संस्था हो ।
जनताको सहारा संस्था नवलपुरका अध्यक्ष पार्वती खरेलको अध्यक्षतामा भएको कार्यक्रममा माओवादी केन्द्रका केन्द्रीय सदस्य धन प्रसाद सापकोटा, यसै संस्थाका केन्द्रीय उपाध्यक्ष सुमन गौतम, गैँडाकोट ३ का वडा अध्यक्ष शिवकान्त तिवारी, गैँडाकोट नगरपालिकाका कार्यपालिका सदस्य राजकुमार कुमाल, माओवादी केन्द्र गैँडाकोट ३ का अध्यक्ष लोक बहादुर सिंजाली मगर लगायत अभिभावकको उपस्थिति रहेको थियो ।
यस कार्यक्रममा मगर मुक्ती मोर्चाको प्रदेश सदस्य लक्ष्मण सिजाली मगरले स्वागत मन्तव्य राख्नु भएको थियो । विशेषगरी लक्ष्मण सिजाली मगर, पार्वती खरेल र राजकुमार कुमालले आर्थिक सहयोग जुटाउनुभएको हो । यस विद्यालयमा धेरै भूजेल बालबालिका अध्ययनरत छन् ।
